My left foot

Það er alltaf gaman að fylgjast með ungviðinu þegar að það stígur sín fyrstu skref í íþróttunum. Einar Lár hefur verið iðinn við að skora og það er skemmtilegt að sjá að hann hefur náð að þróa vinstri fótinn til aðgerða. Kantónu mótin í fótbolta eru í fullum gangi núna og sá stutti sem sest hér að neðan, annar frá vinstri setti eitt í morgun og er það þriðja helgin í röð sem að hann skorar. Drengurinn á ekki langt að sækja hæfileikana enda var afinn Einar Halldórsson fyrrum Valsmaður og landsliðsmaður var vel þekktur fyrir fótfimi sína. Einar Lár á líka frænda í bikarúrslitaleiknum í dag en það mun vera Gunnlaugur Jónsson KR-ingur sonur Jóns Gunnlaugssonar Skagamanns.